Description

Tshivenḓa Thasululo ya vhoṱhe Bugu ya Mugudi yo bveledzwa uri i thuse kha magudiswa (nḓivho, maipfi a ndeme na zwikili) zwi ne zwa vha kha Tshitatamennde tsha Kharikhuḽamu ya Lushaka (TKL), sa zwe ya dzudzanyiswa zwone kha Tshitatamennde tsha Phoḽisi ya Kharikhuḽamu na u Linga (TPKL) ya Luambo. Tshivenḓa Thasululo ya vhoṱhe Bugu ya Mugudi yo dzudzanyiwa u thusa kha u funza na u guda kilasirumuni ya Tshivenḓa nga u ṋetshedza mafhungo ane a tea u funzwa na a nḓowe-nḓowe kha ngudo nga mithethe ya furaru u swika kha furathi. Kha ngudo iṅwe na iṅwe mugudi u ḓo: – Ṋetshedza/bula zwine a vho zwi ḓivha nga ha ṱhoho ya mafhungo. – Guda mbuno ntswa nga ha ṱhoho ya mafhungo. – Ita nḓowe-nḓowe a tshi shumisa nḓivho ntswa, maipfi a ndeme na zwikili zwe a zwi wana kha ngudo. Vhagudi vha ḓo ingwa nga u ṋewa: – Mishumo wa tshuṅwahaya. – Mishumo ya u engedzedza ine vha ḓo ita nḓowe-nḓowe u vha thusa kha vhuleme na u vha alusa. – Manweledzo a mishumo yo itiwaho kha tshikhala/tshifhinga/saikili tshenetsho tsho tewaho. Saikili I nga itwa nga mushumo wa vhege nthihi kana nzhi. Tshivenḓa Thasululo ya vhoṱhe Bugu ya Mugudi i tikiwa nga Tshivenḓa Thasululo Sumbanḓila ya Mugudisi. Hezwi zwi ṋea mugudisi na mugudi tshiṅwe na tshiṅwe tshi ne vha nga tshi ṱoḓa u guda Tshivenḓa kha Gireidi 10: thasululo yo fhelelaho ya kilasini.